𝗦𝗔𝗣𝗔𝗧 𝗡𝗔 𝗧𝗨𝗕𝗜𝗚, 𝗠𝗔𝗦 𝗠𝗔𝗦𝗔𝗚𝗔𝗡𝗔𝗡𝗚 𝗔𝗡𝗜

𝗦𝗔𝗣𝗔𝗧 𝗡𝗔 𝗧𝗨𝗕𝗜𝗚, 𝗠𝗔𝗦 𝗠𝗔𝗦𝗔𝗚𝗔𝗡𝗔𝗡𝗚 𝗔𝗡𝗜 | 🌾💧

📍 Barangay Balas

Bilang bahagi ng patuloy na pagsisikap ng Lokal na Pamahalaan ng Mexico na mapalakas ang produksyon sa agrikultura, isinagawa ang paglilinis at pagsasaayos ng mga irrigation canal sa Barangay Balas sa ilalim ng pamumuno ni Municipal Mayor Rodencio “Ruding” S. Gonzales.

Sa tulong ng mga kagamitan ng pamahalaang bayan, naalis ang mga bara, basura, at naipong putik sa mga daluyan ng tubig upang mapanatili ang maayos na pagdaloy nito patungo sa mga sakahan. Mahalaga ang gawaing ito upang matiyak na may sapat na suplay ng tubig ang mga pananim, lalo na sa panahon ng pagtatanim at paglaki ng mga ito.

Patuloy na isinusulong ng administrasyon ni Mayor Ruding ang mga programang may direktang pakinabang sa ating mga magsasaka bilang pagkilala sa kanilang mahalagang papel sa pagpapaunlad ng ekonomiya at pagpapatatag ng seguridad sa pagkain ng bayan.

Sa pamamagitan ng mga ganitong hakbang, higit na napapalakas ang suporta sa sektor ng agrikultura at nabibigyan ng mas magandang oportunidad ang ating mga magsasaka tungo sa mas produktibo at masaganang ani.

CLICK HERE: https://www.facebook.com/share/p/1XcHMqRqqq/