𝗦𝗨𝗣𝗢𝗥𝗧𝗔 𝗦𝗔 𝗠𝗔𝗚𝗦𝗔𝗦𝗔𝗞𝗔

Here is the text in plain (unbolded) format:

SUPORTA SA MAGSASAKA | 🌾🚜

📍 Barangay Divisoria

Patuloy na pinagtitibay ng Lokal na Pamahalaan ng Mexico ang suporta nito sa sektor ng agrikultura, ngayon naman sa pamamagitan ng pagsasaayos at paglilinis ng mga daluyan ng tubig sa Barangay Divisoria, isang inisyatibang isinusulong ni Municipal Mayor Rodencio “Ruding” S. Gonzales para sa kapakinabangan ng ating mga magsasaka.

Sa isinasagawang operasyon, nalinis ang mga bahagi ng irrigation canal na naapektuhan ng naipong putik, damo, at iba pang sagabal na maaaring makahadlang sa maayos na pagdaloy ng tubig patungo sa mga sakahan. Ang hakbang na ito ay makatutulong upang mapanatili ang sapat na patubig na mahalaga sa paglago at produksyon ng mga pananim.

Kinikilala ng administrasyon ni Mayor Ruding ang mahalagang papel ng mga magsasaka sa pag-unlad ng bayan. Dahil dito, patuloy ang pagpapatupad ng mga programang naglalayong mapabuti ang kanilang kalagayan at mapataas ang produktibidad ng sektor ng agrikultura.

Sa bawat proyektong naisasakatuparan, mas napapalapit ang layunin ng isang mas matatag, produktibo, at maunlad na bayang Mexico para sa lahat.

CLICK HERE: https://www.facebook.com/share/p/18zEfUx3KR/