Bilang miyembro ng kongreso, pananagutan po namin na masigurong nasisinop nang maayos ang taunang budget ng ating bayan

August 24, 2026

Noong Lunes, Agosto 17 ay nakipag-participate tayo sa unang araw ng Budget Deliberations para sa Proposed 2027 National Budget. Ang unang sumalang ay ang mga ahensyang bumubuo ng Development Budget Coordination Committee o mas kilala bilang DBCC na may pangunahing responsibilidad sa sangay ng ehekutibo sa pagbuo sa national budget.

Batid namin na nasa aming mga balikat ang malaking responsibilidad sa pagtalakay ng ating pambansang budget, at bilang inyong #MICApartnerKingKongreso, lubos po namin itong pagtutuunan ng pansin, at buong igting na babantayan upang ang bawat proyekto at serbisyong publiko ay garantisadong maibibigay sa bawat mamamayan.