Mayor Ruding, Nagbigay ng Inspirasyon at Suporta sa mga Future Police Officers ng Mexico

Sa kanyang mensahe, hinikayat ni Mayor Ruding ang mga police trainees na maging huwaran sa integridad, disiplina, at malasakit sa kapwa. Binigyang-diin niya ang mahalagang papel ng mga pulis bilang tagapangalaga ng kapayapaan at kaayusan, at ang kanilang tungkulin na maglingkod nang may katapatan, lalo na sa oras ng pangangailangan ng mamamayan.

Ipinahayag din ni Mayor Ruding ang kanyang buong suporta sa hanay ng kapulisan bilang katuwang ng lokal na pamahalaan sa pagpapanatili ng ligtas, maayos, at mapayapang komunidad. Patuloy niyang pinagtitibay ang magandang ugnayan ng lokal na pamahalaan at PNP upang higit pang mapalakas ang seguridad sa bayan.

Patunay ang makabuluhang pagbisitang ito sa patuloy na pagsusulong ni Mayor Ruding ng matibay na ugnayan sa mga institusyong nagpapatupad ng batas at sa kanyang hangaring makabuo ng isang mas ligtas, mas maunlad, at mas mapagkalingang Bayan ng Mexico.