TULONG MEDIKAL AT BURIAL SA MGA MEXICANO

Pinangunahan nina Mayor Rodencio “Ruding” S. Gonzales at Vice Mayor Dr. Jonathan R. Pangan ang pamamahagi ng pinansyal na tulong para sa mga pangangailangang medikal at gastusing burial ng 198 Mexicanos.
Ang programang ito ay bahagi ng masusing pagtutok ng lokal na pamahalaan sa kapakanan ng bawat pamilya, lalo na sa mga pinakamahihirap at pinakaapektadong sektor ng bayan.

Nitong Nobyembre 24, nagsara na ang aplikasyon para sa medical assistance, habang patuloy naman ang pagtanggap ng aplikasyon ng Office of the Mayor para sa burial assistance, tinitiyak na walang Mexicano ang maiiwan sa paghingi ng tulong sa mga kritikal na pagkakataon.

Sa pangunguna ni Mayor Ruding, malinaw na ipinapakita ang malasakit at dedikasyon ng administrasyon sa mga mamamayan. Ang maayos at planadong pamamahagi ng tulong ay patunay ng masigasig at responsableng pamumuno na naglalayong maghatid ng kaginhawaan at seguridad sa bawat pamilya ng Mexico.

CLICK HERE:https://www.facebook.com/share/p/1Lko2Srzqj/